Видео: Ѕвезда со македонско потекло блеска во Нов Зеланд, „Ла Масија“ доаѓа по него!

Малиот Константино Тино Геогргиевски кој има 11 години и живее во Нов Зеланд е момче за кое можеби во иднина многу ќе зборува.

Тино е момче кое е родено во Нов Зеланд со голем талент за најважната споредна работа во светот, а се очкува во иднина интерес за ова момче да покажат и некои од големите европски клубови.

Тој настапува во најдобрата лига на Нов Зеланд со своите врсници. Токму тука се очекува да пристигне познатата школа на Барселона, „Ла Масија“, а според пренесувањето на меидумите во оваа земја акцентот ќе биде ставен токму на момчето кое има македонско потекло.

Иначе, тој е фудбалер кој по природа игра во средината, но може да се користи и како лево крило.

Според зборовите на неговите родители идоли на Тино се Горан Пандев и Лионел Меси, а најавија и дека би можеле да се вратат во Македонија за Тино да го облече дресот на Вардар, доколку не ги задоволи апетите на каталонскиот гигант.