Видео: Шкендија се спаси од пораз, Пелистер не искористи!

Вицешампионот Шкендија со гол во последните минути се спаси од пораз од прилепска Победа, додека Пелистер дома одигра само 0:0 против Скопје.

Шкендија не успеа да ја оправда фаворитската улога и одигра реми против Победа во голеада со 6 гол. Вицешампионот од пораз го спаси Бесарт Абдурахими, кој погоди во 88-та минута. Од „киксот“ на Шкендија доби Победа, но исто така профитира и Вардар, кој ја намали разликата на табелата на еден бод.

Академија Пандев стигна до втората победа во шампионатот, совладувајќи ја Ренова со голот на Зоран Балдовалиев од пенал во 61-та минута.

Киксот на Шкендија не го искористи Пелистер и одигра 0:0 против Скопје, додека Шкупи успеа да го победи Работнички со 2:1 со голот на Јашаровски во судиското продолжение.