Видео: Торонто за прв пат во историјата шампион во МЛС

Фудбалерите на Торонто за прв пат во историјата станаа шампиони во МЛС лигата, после победата над Сиетл со 2:0.

Торонто во финалето го победи Сиетл со 2:0, а а најзаслужни за успехот на Канаѓаните беа Џовинко и Алтидор.

Иако Италијанецот не даде гол, беше еден од најдобрите на теренот, токму по негова асистенција во 67-та минута Алтидор погоди за водство од 1-0. Победата ја потврди Васкез во 94-та минута поставувајќи ги конечните 2-0.

Торонто ја освои првата титула во десетгодишното учество во МЛС-лигата. Сиетл, пак, не успеа да ја одбрани титулата.