Видео: Македонија ја заврши работата за едно полувреме!

Македонската репрезентација стартуваше со победа во Лигата на нации, откако рутински го победи Гибралтар со 2:0.

Избраниците на селекторот Игор Ангеловски во текот на целиот натпревар имаа доминација на теренот. Првиот гол стигна во 19-та минута кога по уфрлување на Ристовски од десната страна, Тричковски со силен удар под пречката го донесе гостинскиот состав во водство.

Во 35-та минута Стефан Ристовски прекрасно го најде Барди, овој изби сам пред Голдвин, но не успеа да го совледа. Сепак, од корнерот дојде вториот гол за Македонија кога нафрлената топка стигна до Алиоски кој ја смести во мрежата.

Македонија имаше уште неколку добри шанси за поубедлива победа, во второто полувреме не успеавме да ја зголемиме предноста, но тоа беше доволно за првите три бода во Лигата на нации.