Веќе е на пат за Германија: Уште еден македонски фудбалер ќе игра во Бундеслигата!

Според информациите на хрватскиот „24сата“, македонскиот фудбалер Агон Елези кој го носи дресот на хрватски Вараждин би можел да се пресели во Германија во тимот на Бохум.

Подолго време Елези е на излезни врати од Вараждин, а претходно бил блиску до трансфер во Клагенфурт од Австрија, но таа опција пропаднала.

Сега се тврди дека 22-годишниот македонски фудбалер се договорил со клубот кој во овој момент е на 14-тото место во Бундеслигата.

Хрватскиот медиум тврди дека Елези веќе е на пат за Германија каде што треба да ги помине лекарсаките прегледи и да го заврши трансферот.

Ќе потсетиме, во зимскиот преоден рок трансфер во Бундеслигата направи Елиф Елмас кој од Наполи се пресели во Лајпциг.