Верувале или не: Дивок Ориги своето име го добил од легендарниот српски кошаркар

Играчот на Ливерпул, Дивок Ориги, човекот за големи натпревари, кон крајот на минатиот месец одговараше на прашања од навивачите.

Во организација на Bleacher Report, Ориги одговараше на голем број прашања кои пристигнаа од социјалните мрежи.

Едно од поинтересните прашања беше како го добил името Дивок.

Имено, напаѓачот на Ливерпул своето име го добил по легендарниот кошаркар Владе Дивац.

„Тоа име дојде од името Владе Дивац. Моите родители го гледале како игра и сакале во одреден степен да го персонализираат неговото име.“ – одговори Ориги.