Вајналдум сигурно го пропушта Мундијалот, познато колку ќе паузира

Холандскиот репрезентативец Жоржињо Вајналдум ќе го пропушти Светското првенство во Катар кое ќе се одржи во ноември и декември.

Вајналдум на почетокот на месецот пристигна во Рома од ПСЖ, но минатата недела се здоби со фрактура на тибијата за време на тренинг.

После лекарските консултации клубот и играчот се одлучија за конзервативно лечење, што ќе значи неколку месеци пауза.

Рома денес соопшти дека рехабилитацијата ќе трае 3 до 4 месеци и дека Вајналдум ќе се врати на терените на почетокот на 2023 година.

Тоа значи дека Холанѓанецот сигурно ќе го пропушти Светското првенство во Катар.