Вардар на Михајловски ќе има додавка на сегашното име

Михајло Михајловски ќе го превземе Вардар од Сергеј Самсоненко, а клубот како нов субјект ќе има и малку променето име.

Михајловски денес во изјава за телевизија „Телма“ откри каква додавка во името ќе има Вардар.

„Со преземањето на клубот од Самсоненко сме во последна фаза, а потоа ќе следи регистранција на новиот субејкт и тој ќе има придавка, Вардар 1961. Целта е да изградиме тим кој со постоечкиот кадар заедно ќе има квалитет за ¼ финале, можеби и фајнл-фор во Лигата на шампионите“, изјави Михајловски.

Во медиумите веќе се најавуваат неколку имиња кои ќе го засилат Вардар, Михајловиски самиот потврди дека ќе има официјалзиирање на неколку трансфери, а исто така потврдно одговори и за договорот со голманот Кантегрел.