Дома Македонски спорт Мак ракомет Вардарки херојски се бореа, но не се искачија на тронот!

Вардарки херојски се бореа, но не се искачија на тронот!

Во тежок и неизвесен натпревар кој се решаваше по продолженијата, Вардар загуби од Ѓер со 31:30 и не успеа да ја освои Лигата на шампионите.

Двете екипи во првото полувреме играа изедначено, најголемата разлика Ѓер ја направи во 17-та минута, кога поведе со 14:10. Но, со дисциплинирана игра во одбраната, Вардар намали и на полувреме се отиде со предност од 15:12 во полза на Унгарките.

Вардар, Работнички, Силекс, Шкендија – Кој ќе блесне во Европа!? ↓↓↓


И во второто полувреме Ѓер постојано водеше, сè до 53 минута, кога вардарки изедначија на 24:24. Финишот на мечот мина со грешки на обете страни, а во последните 30 секунди Вардар имаше и напад со можност да победи, но сепак, регуларниот дел на мечот заврши 26:26.

Во првото продолжение Ѓер влезе фуриозно и постигна три гола, со што резултатот гласеше 29:26, но ракометарките на Вардар се повратија од шокот и намалија на 29:28. Во второто продолжение Вардар започна со напад, но не реализираше, а Унгарките казнија и поведоа со 30:28.

Лакрабер од пенал намали на 30:29, но во нападот за израмнување направи пробивање. Ѓер преку Морк повторно отиде на плус два, а Лакрабер реализираше уште еден пенал за 31:30, што на крајот беше и конечен резултат бидејќи Ѓер изведе доволно долг напад за да го потроши времето до крајот на вториот дел од продолжениетo.

Вардарки реагираа на одлуката на данските судии да дозволат толку долг напад на Ѓер, но сепак, нивната одлука остана конечна.

Коментари
Прочитајте поврзани статии
Load More In Мак ракомет

Проверете

Агрегаторите да ги почитуваат авторските права на интернет порталите, преземањето на содржините како до сега е неприфатливо

Интернет порталите изразуваат спремност за разговор и договор со агрегаторите, но потпишаа…