Ван Дер Сар со емотивна порака го испрати Тен Хаг во Манчестер Јунајтед

Aјакс вчера го победи Херневен со 5:0 и така стигна до третата титула во ерата на Ерик Тен Хаг, таа ќе биде и последна за него затоа што се сели во Манчестер Јунајтед.

Во Манчестер Јунајтед Тен Хаг го чека тешка задача да воведе ред и да го врати тимот на победничките патеки. После вчерашната победа и освоената титула емотивна порака испрати директорот Едвин Ван Дер Сар.

Ван Дер Сар најдобрите денови од кариерата како голман ги помина во Јунајтед, па затоа за него заминувањето на Тен Хаг на „Олд Трафорд“ е со посебно значење.

„Ги надмина сите очекувања, воведе доминантен фудбал, стигна до полуфиналето во ЛШ, освои домашни титули…Заминуваш во клуб кој е блиску до моето срце. Ти посакувам се најдобро таму, ти балгодарам Ерик за се“, истакна Ван Дер Сар.