Ван Дајк во акција: “Кога веќе ти не можеш, јас сум тука“

Во саботата Ливерпул славеше со 2:1 на гости кај Кристал Палас, а стрелци беа Садио Мане и Мохамед Салах.

Важна победа за Црвените, кои скоро сигурно го осигураа пласманот во ЛШ наредната сезона, а после саботната победа на гости над Палас малку внимание се дава на Вирџил Ван Дајк.

Скапото засилување од Саутемптон беше клучен играч на натпреварот, барем така тврдат медиумите од Англија, кои пишуваат дека Ван Дајк во 30. минута превземал да го чува Бентеке.

Белгијанецот го услужуваше Матип, посебно во воздушните дуели, но Ван Дајк се понуди да помогне и тогаш го превзема Бентеке, кој повеќе не се наигра.

Менаџерот на Црвените, Јирген Клоп беше пресреќен поради настапот на Ван Дајк, а пофални зборови имаше и од навивачите на социјалните мрежи.