Бразилскиот ас Роналдињо важи за еден од најдобрите виртуози кои се појавиле во историјата на фудбалот, а познато е и дека сакаше добро да се забавува.
Низ кариерата освои многу трофеи, меѓутоа стигна само до една „Златна топка“ иако сигурно имаше квалитет за повеќе.
Street Workout Macedonia – Движење што гради сила, карактер и издржливост | Уште еден поткаст
Сега „БеИн Спорт“ пишува за интересна клазула која ја имал Роналдињо во договорот со Фламенго кој го потпиша во 2012 година. Тогаш Роналдињо го напушти Милан и од Европа се врати во татковината.
При договорот тој инсистирал на една специјална клазула каква што веројатно немал ниту еден друг фудбалер. Имено, Бразилецот барал во договорот да стои дека му е дозволено да излегува и да се забавува два дена во неделата и плус да може да конзумира колку што сака алкохол.
Наводно, Роналдињо толку инсистирал на оваа клазула што бил спремен и да не го потпише договорот. На крајот тој се пресели во Фламенго и во сезоната која ја одигра во овој клуб постигна 19 гола и запиша 13 асистенции, што секако е солиден учинок.
Учество во игри на среќа е дозволено за лица со 18+ години. Играј одговорно!