Бјелица искрен по шокантниот пораз: Играв како го*но…

Maлку кој можеше да очекува, но репрезентацијата на Србија испадна уште во четвртфиналето на Светското првенство.

Србија доживеа пораз од Аргентина и остана без шанси за медал, иако во Србија се надеваа дури и на злато.

„Тежок пораз за нас и нашиот тим, сакам да им се извинам на луѓето во нашата земја кои веруваа во нас. Можеби бевме подобар тим од Аргентина, но тие повеќе сакаа да победат. Не бевме психолошки спремни за ова, посебно јас како еден од лидерите на овој тим. Морам да кажам дека играв како го*но. Кога гледавме како слават сите плачевме“, искрен беше Бјелица и продолжи:

„Не изгубивме затоа што сме арогантни или зошто мислевме дека сме нешто посебно, ние само не се припремивме ментално како што треба за овој натпревар. Можам да зборувам со часови, ова е тежок пораз…Работевме многу ова лето, тоа е кошарката“.