Буфон со емотивна порака го испрати Бонучи во пензија

Како и што се најавуваше претходно, Леонардо Бонучи објави крај на кариерата и од фудбалот се простува како играч на турскиот гигант Фенербахче.

Последната година од кариерата која ја започна во Унион Берлин не помина како што очекуваше, но во изминатите години Бонучи важеше за еден од најдобрите дефанзивци во светот.

Најдобрите денови ги помина во Јувентус каде што формираше супер-трио во одбраната со Кјелини и Брзаљи, поддржани од Буфон на голот.

„Како што беше случај со Брзаљи, потоа и со Кјелини, твоето пензионирање носи мелахонија на душата, треба да сме горди на тоа што бевме некогаш, но истовремено и да сфатиме дека времето одминува и работите се менуваат. Во минатото наоѓаме одредени чувства и емоции низ кои минувавме заедно. Си верувавме и благодарение на довербата испишавме фудбалска историја.

Голем Лео, ме придружуваше во многу битки и сигурен сум дека со твојата самодоверба ќе гледаш и на работите што ги носи иднината“, објави Буфон.