Бунт против Симеоне во соблекувалната на Атлетико

Слабите резултати на Атлетико Мадрид во последно време многу ја нарушиле атмосферата во тимот.

Еминентниот новинар Едуарди Инда тврди дека во соблекувалната на „јорганџиите“ се кренал бунт против Диего Симеоне, кој за прв пат откако е на чело на клубот ја испуштил контролата над играчите.

„Во последните 10 години Симеоне секогаш успевал да има контрола во соблекувалната, но за прв пат тоа не е така. На дел од фудбалерите веќе им е преку глава од методите на Аргентинецот и се лути на тренерот. Многу од фудбалерите не го сакаат неговиот стил на работа. Во тимот има група обединета околу Суарез и Родриго де Паул, кои го поддржуваат тренерот. Од друга страна има многу поголема група која е против Симеоне“, изјави Инда.