Бугарите го избркаа српскиот селектор

Српскиот тренер Младен Крстајиќ повеќе нема да биде селектор на Бугарија по лошите резултати во последниот период.

Првите луѓе на бугарскиот фудбал одлучија да се разделат со со Крстајиќ откако репрезентацијата одигра катастрофално во квалификациите за Европското првенство. Незадоволството кулминираше со поразите од Албанија и Литванија во октомврскиот циклус.

Засега не е познато кој ќе биде нов селектор, но се најавува дека сигурно ќе биде домашен стратег бидејќи експериментот со странец засега се покажал како неуспешен.

Бугарија квалификациите ги заврши на последното место во групата без ниту една победа со само две нерешени средби и четири порази.