Бразил е ноќна мора за Меси: Аргентинецот никогаш не победил против Кариоките

Бразил синоќа со 2:0 оствари победа во полуфиналето на Копа Америка против Аргентина и со тоа повторно ги сруши соновите на Лео Меси.

Имено, обидот Меси да освои титула со Аргентина повторно заврши неславно, а овој пат беше запрен од Бразил.

Сепак, еден факт е фасцинантен, а тоа е дека Меси никогаш во официјален натпревар не успеал да оствари победа против Бразил.

Тој во 2007. година со 3:0 беше поразен во финалето на Копа Америка, а потоа во квалификациите за СП 2010. година, Бразил и Аргентина одиграа нерешено, 0:0.

После тоа овие две репрезентации одиграа уште три натпревари. Прво во Аргентина кога Бразил оствари победа со 1:3, а потоа Бразил запиша уште две победи против Меси и Аргентина со 2:0 и 3:0