Возачите на Мерцедес доминираа утрово во квалификациите за Големата награда на Кина. Пол позицијата на крајот ја освои Валтери Ботас, додека Луис Хамилтон заврши втор пред возачите на Ферари.
Од самиот почеток на квалификациите Мерцедес покажа доминација на патеката. Имено, од овој тим пред големата награда на Кина упорно тврдеа дека Ферари ќе доминира затоа што се побрзи на патека со помалку свиоци, а потоа приредија изненадување.
Пред дербито, падна најважниот потпис во Манчестер Сити! ↓↓↓
Ботас и Хамилтон имаа одлично темпо од самиот почеток на квалификациите и во првите два дела беа пред сите. Ферари како да ги штедеше своите болиди за третиот дел, но се покажа дека се немоќни.
Третиот дел започна како и претходните два бидејќи Ботас и Хамилтон одлично ги извозеа своите кругови и беше јасно дека токму тие двајца ќе се борат за пол позициите.
До крајот гледавме драма и борба на возачите од Мерцедес, додека Ферари го напаѓаше третото и четвртото место. Пол позицијата на крајот му припадна на Ботас со време од 1:31.547, додека втор беше Хамилтон со заостанување од 23 десетинки.
Трет утре ќе стартува Себастијан Фетел, а зад него ќе биде тимскиот колега Чарлс Леклер. Во Топ 10 квалификациите завршија уште Макс Верстапен, Пјер Гасли, Даниел Рикардо, Нико Хулкенберг, Кевин Магнусен и Грожан.
Учество во игри на среќа е дозволено за лица со 18+ години. Играј одговорно!