Борусија посвети специјална објава за маестралниот Санчо: Му должите извинување!

Борусија Дортмунд вчера оствари минимална победа во полуфиналето од Лигата на шампионите, конечниот резултат гласеше 1:0.

Џејдон Санчо иако не постигна гол одигра феноменален натпревар и беше еден од најистакнатите на теренот.

Константно Санчо беше закана за противничкиот гол и на моменти изгледаше и како да си поигрува со фудбалерите на ПСЖ, а по натпреварот „милионерите“ му посветија објава.

„Му должите извинување, ние секогаш сме биле запознаени со неговата игра“, гласи кратката објава за англискиот фудбалер.

Ќе потсетиме, единствениот гол на натпреварот го постигна Никлас Фулкруг во 36. минута од натпреварот.

You all owe him an apology, we were ALWAYS familiar with his game. pic.twitter.com/UdacSpIHvZ

— Borussia Dortmund (@BlackYellow) May 1, 2024