Борко: Верувам во подобра иднина, Вардар ги има најдобрите навивачи во светот

Вардар вчера го победи Нексе во првиот натпревар од четвртфиналето во СЕХА лигата.

Црвено-црните остварија триумф со еден гол разлика (30:31). Свој коментар после средбата даде и повратникот во редовите на Вардар, Борко Ристовски.

„Она што го посакувавме го исполнивме, кога во прашање е нашата игра не можме да бидеме задоволни затоа што има многу работи кои треба да се поправат за реваншот во Скопје. Се надевам на полна сала за реваншот. Вардар ја има најдобрата публика во светот, тие даваат голем ветар во грбот за секого. И со сите проблеми овие момци кога ќе излезат на теренот даваат се од себе и затоа мора да имсе симне капа, верувам во подобра иднина“, изјави македонскиот репрезентативен голман.

Следниот викенд се игра реваншот во Скопје.