Бомбонера го расплака Кавани – вакви сцени не доживеале и најголемите во историјата

Аргентинската Бока Јуниорс го претстави своето ново засилување Единсон Кавани пред десетици илјади фанови на нивниот стадион Бомбонера во Буенос Аирес.

Уругвајскиот напаѓач важи за клучно засилување за аргентинскиот гигант во борбата за Копа Либертадорес и аргентинскиот шампионат, а пречекот што го доби на култниот стадион го расплака.

Бока во саботата објави дека потпишала договор со 36-годишниот уругвајски репрезентативец на слободен трансфер. Од клубот соопштија дека имаат 18-месечен договор со него.

Кавани го носеше дресот со број 10 кој некогаш беше единствениот број на Диего Марадона.

„Ова е голема емоција. Кога имав 12 години, бев таму каде што сте сега и почувствував желба да бидам тука каде што сум сега“, им порача Кавани на навивачите и додаде: „По толку многу години каде фудбалот ми даде по малку од се, сега сум овде и уживам со моето семејство“.

New Boca Juniors No10 Edinson Cavani is greeted by an electrifying crowd at La Bombonera.

🤩pic.twitter.com/4h8vkYfqjH

— Warriors of Uruguay (@UruguayanHeroes) July 31, 2023

#Cavani is unveiled to a static #Bombonera pic.twitter.com/0NVmtnk9Zz

— Boca in English | Podcast (@CABJ_English) July 31, 2023