„Бомба“ од Италија: Донарума се сели во Јувентус?

„Газета дело Спорт“ со денешното издание лансираше вистинска „бомба“ и тврди дека Јувентус тргнува по младиот голман на Милан, Џанлуиџи Донарума.

20-годишниот Донарума игра уште една одлична сезона и е една од ретките светли точки кај „росонерите“, а веќе е прв големан на италијанската репрезентација.

„Газета дело Спорт“ тврди дека спортскиот директор на Јувентус, Фабио Паратичи веќе работи на неговиот трансфер и имал неколку средби со Мино Раиола.

„Бјанконерите“ му понудиле нов договор на Шчешни, но Полјакот бара плата од 7 милиони евра по сезона, па раководството на „старата дама“ одлучило на лето да се разделат.

Најголема желба на Јувентус е секако Донарума кој важи за иднина на италијанската репрезентација и иако е млад веќе има големо искуство и скоро 200 меча за Милан.

Сепак, тешко ќе биде да се убеди Џиџо да премине во големиот ривал бидејќи е многу поврзан со Милан,а  неговиот договор со „росонерите“ истекува во 2021 година.