„Бомба“: Милан тргнува по Кристиан Ериксен

Шпанскиот весник „АС“ лансираше вистинска „бомба“ и тврди дека следна голема трансфер цел на Милан е ѕвездата на Тотенхем, Кристиан Ериксен.

Данскиот плејмејкер пред почетокот на преодниот рок јавно потврди дека сака да ја промени средината и дека е спремен да го напушти Тотенхем.

Негова најголема желба беше трансфер во Реал Мадрид, но „кралевите“ одлучија да се насочат кон Погба и се откажаа од реализација на тој трансфер.

Договорот на Ериксен со Тотенхем истекува следното лето, а бидејќи фудбалерот одби да го продолжи, „спарси“ ќе бидат приморани да го продадат ова лето.

За него силен интерес покажуваат Атлетико Мадрид и Манчестер Јунајтед, но сега и Милан се вклучува во трката за неговиот потпис.

„Росонерите“ се спремни да го продадат Сусо за 35/40 милиони евра и да понудат 60 милиони евра за данскиот репрезентативец.

Sogno Milan: interessa Eriksen per il centrocampo [? AS] ?⚫https://t.co/ySMUd7conT

— Goal Italia (@GoalItalia) July 28, 2019