Фудбалерите на Болоња остварија голема победа во 23-тото коло од Серија А.
На стадионот „Ренато Дал’Aра“ Болоња беше подобра од Интер со 1:0. Така за „нероаѕурите“ заврши низата од четири натпревари без пораз, додека за Болоња ова беше четврта победа во последните пет натпревари.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Навивачите на Болоња се израдуваа уште во 12-тата минута кога Муса Бероу постигна гол, но ВАР сигнализираше дека се работи за офсајд и голот беше поништен. Немаа среќа домаќините и кога Роберто Соријано ја погоди пречката.
Сепак, во 76-тата минута мрежата конечно се затресе. Холанѓанецот Шутен одлично го проигра Орсолини кој со лева нога шутираше силно и ја испрати топката под пречката.
До крајот не видовме посериозни шанси и Болоња ја зачува минималната предност.