Првиот голман на македонската фудбалска репрезентација, Столе Димитриевски нема да биде во комбинација за настап против Ерменија и Грузија, а на негово место е повикан Мартин Богатинов.
За Богатинов ова е враќање во репрезентацијата по пауза од цели четири години. Како што ни изјави тој е среќен поради повикот и секогаш е на располагање кога и селекцијата да има потребна од него. Покрај тоа тој испрати и порака за брзо оздравување до неговиот колега.
Вардар, Работнички, Силекс, Шкендија – Кој ќе блесне во Европа!? ↓↓↓
„Прво, на Столе му посакувам што побрзо да излезе од оваа незгодна ситуација што ја има секаде околу нас и што се случува со Ковид-19. Секако дека сум среќен за повикот и враќањето во репрезентација исто како и кога го добив првиот повик. Секогаш е чест да се носи дресот на репрезентатацијата. Додека играм на професионално ниво секогаш ќе одговарам на повик во репрезентацијата без разлика дали е по 2, 3 или 4 години. Спремен сум секогаш да помогнам кога селекцијатаи има потреба од мене“, ни изјави Богатинов.
Учество во игри на среќа е дозволено за лица со 18+ години. Играј одговорно!