Поранешниот сопственик на Милан, Силвио Берлускони најави дека повторно би можел да го купи клубот кој успешно го водеше повеќе од 30 години, а минатата сезона го продаде на кинескиот конзорциум.
Милан оваа сезона нема да ја оствари целта која беше поставена пред почетокот – пласман во Лигата на шампионите, а ниту самиот Берлускони не крие дека и тој како и навивачите е разочаран од учинокот на новите сопственици.
Како екраните влијаат на детскиот развој? Разговор со дефектолог
„На крајот повторно ќе го купам Милан. Многу луѓе ме застануваат и прашуваат зошто тоа го направив. Поради тоа изгубивме и добар процент на гласови на изборите кои се одржаа неодамна“, изјави Берлускони.
Берлускони го водеше Милан од 1986 година и за тоа време „росонерите“ освоија пет титули во Лигата на шампионите, осум во Серија А и три пати триумфираа на светското клупско првенство.
Учество во игри на среќа е дозволено за лица со 18+ години. Играј одговорно!