Бекам од Мајами испрати порака до Роналдо

Легендарниот фудбалер на Манчестер Јунајтед Дејвид Бекам во друштво на Мајкл Џордан и Томас Брејди присуствуваше на трката во Мајами. Бекам како што е познато е сопственик на клубот од овој град.

Во разговор за британски „Скај Спорт“ Бекам зборуваше за Манчестер Јунајтед каде што остави длабока трага.

„На Јунајтед промени му се неопходни. Навивачите се со тимот. Мислам дека менаџерите и играчите направија се што можеа оваа сезона“, смета Бекам.

Поранешната „седмица“ на Јунајтед зборуваше и за сегашната, Кристијано Роналдо. Бекам изрази желба Португалецот да остане на „Олд Трафорд“.

„Роналдо покрај Меси е најдобар фудбалер во светот веќе 15 години. Важно е да остане во Јунајтед. Тоа е важно и за навивачите не само за Кристијано. Се надевам дека ќе остане. Знаеме колку на Роналдо му значи клубот. Се уште го прави она што најдобро го знае – постигнува голови. Неверојатно е тоа во неговите години“, изјави Бекам.