Како Имобиле експресно ја изгуби болката по голот на Барела? 🎥

Италијанците од секогаш биле познати по тоа што симулираат и задржуваат време за да дојдат до победа.

Италија игра одлично Европско и генералниот впечаток е дека избраниците на Манчини покажаа најмногу во досегашниот дел до првенството.

Аѕурите својот најдобар натпревар го одиграа против најсилниот противник. Со 2:1 беа подобри од Белгија со одлична игра на сите делови од теренот.

Меѓутоа, Италијанците не би биле Италијанци ако не го покажаа она по кое се препознатливи. Овој пат главен актер беше Чиро Имобиле.

Имено, пред водечкиот погодок Имобиле падна во казнетиот простор како покосен, лежеше на теренот некое време, а со тоа го сврте вниманието на играчите на белгискиот тим, кои му велеа да стане.

И додека тоа се случуваше, деконцентрацијата во одбраната на Белгија ја искористи Барела кој дојде до топката и со прецизен и силен удар го матираше Куртоа.

Нормално, Имобиле брзо стана и го прослави голот со остатокот од екипата како да не му се случило ништо.

Respect to Immobile for recovering so quickly ❤️ pic.twitter.com/Im0NBX0oFB

— Football Shithousery (@FootyRustling) July 2, 2021