Барселона купува дефанзивец во јануари

Барселона е во потрага по квалитетен стопер бидејќи тимот има дефанзивни проблеми оваа сезона.

Најголема желба на Каталонците е дефанзивецот на Лил, Свен Ботман, и ќе се обидат да го донесат уште во зимскиот преоден рок.

Станува збор за 21-годишен дефанзивец кој ги мина сите младински категории на Ајакс, а една сезона помина на позајмица во Херенвен. Во Лил пристигна во јули 2020 година и уште во првата сезона се наметна во еден од клучните играчи на тимот.

Лил за слободата на Ботман бара 40 милиони евра, а Барселона ќе се обиде преку преговори да ја намали таа сума.

На „Камп Ноу“ веруваат дека Холанѓанецот може да биде наследник на Жерард Пике, кој веќе влезе во фудбалска зрелост.