Одличните игри во дресот на Гремио го натераа селекторот на Бразил, Тите да го повика Артуро Енрике Рамос, еден од најдобрите поединци во бразилскиот шампионат.
Овој 21-годишен плејмејкер е еден од најзаслужните што неговиот Гремио се бори за титулата во Копа Ливертадорес, каде во финалето ќе игра против Ланус.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Скаутите на Барселона го следат веќе подолго време, а особено го потцртаа неговото име кога на мечот против Гуериња немаше ниту еден погрешен пас во целиот натпревар.
Тој е профил на играч кој одлично би се вклопил на „Камп Ноу“, одличен техничар, има фантастичен преглед на играта, па многумина во него гледаат идеален наследник на Андрес Иниеста.
Иниеста е на залез на кариерата, па Каталонците интензивно бараат негова замена, а шпанските медиуми тврдат дека тоа може да биде токму Артур. За него се заинтересирани и други европски гиганти како Атлетико Мадрид, ПСЖ и Челзи.
Учество во игри на среќа е дозволено за лица со 18+ години. Играј одговорно!