Ањели: Блиску сме до идеален формат во Лигата на шампиони

Првиот човек на Јувентус, Андреа Ањели тврди дека елитните клубови наскоро можат да постигнат договор за новиот формат во Лигата на шампиони.

Ањели истакна дека се бара начин како почесто да се играат квалитетни натпревари, а со тоа да се зголеми и интересот кај публиката.

Во моментов се залага за нов формат во ЛШ каде ќе учествувата 36 клуба по „Швајцарски систем“ и секој клуб во групната фаза ќе одигра по 10 натпревари.

„Многу сме блиску до договор за идеален формат на Лигата на шампиони. Тој швајцарски систем е одличен. Тоа ќе отвори можност на многу клубови да имаат шанса за нокаут фазата. Тоа е суштината на натпреварувањето. Блиску сме до носење на нов формат“, истакна Ањели.