![](https://sportski.mk/wp-content/uploads/2019/07/de-ligt-850x491.jpg)
После неколку дена пауза денес повторно се пишува за Де Лихт и Јувентус.
Утрово „Скај Спорт“ објави дека Јувентус ја испратил првата официјална понуда на адреса на Ајакс. Веста дека Италијанците испратиле понуда не беше изненадување, но беа бројките кои се споменуваа.
1/8 финале: Италија и Германија фаворити, но ... ↓↓↓
Понудата на Јувентус изнесувала 58 милиони евра и тоа 49 веднаш и девет преку бонуси. Ова беше изненадување затоа што констатно околу Де Лихт се споменуваат многу поголеми бројки. Претходно се најавуваше дека ќе се пресели во Јувентус за сума помеѓу 70 и 80 милиони евра.
Секако, таа понуда 49+9 експресно била одбиена од Ајакс.
Најновите информации за ситуацијата помеѓу Ајакс и Јувентус сега ги пренесува медиумот кој е многу близок со Јувентус, а тоа торинскиот „Тутоспорт“.
„Тутоспорт“ објави дека Ајакс за Де Лихт сака понуда со која Италијанците ќе го изедначат светскиот рекорд за стопер – 87 милиони евра. Таа сума ја плати Ливерпул за Вирџил Ван Дајк.
Од друга страна според нивните информации Јувентус е спремен да ја покачи својата понуда, но не до бројката која ја бара Ајакс. „Старата дама“ е спремна да плати 80 милиони евра, меѓутоа по формула 67 веднаш, плус 13 преку бонуси.
Медиумите во Италија истакнуваат оптимизам дека сепак двата клуба се договорат.