Атлетико купува уште еден Бразилец

За само неколку месеци Атлетико Мадрид договори трансфер на втор бразилски фудбал, овој пат станува збор за Бруно Гимараеш од Атлетико Параненсе.

Во летото „јорганџиите“ го купија левиот бек Ренато Лоди за 25 милиони евра, а сега ќе потрошат 30 милиони за Бруно Гимараеш.

Бразилските медиуми пренесуваат дека трансферот е комплетно договорен и се чека отварање на зимскиот трансфер пазар за 22-годишниот фудбалер да пристигна на „Ванда Метрополитано“.

Станува збор за исклулително талентиран играч за врска кој се споредува со Артур од Барселона, но Гимараеш е физички посилен и подобар во дефанзивните задачи

За Гимараеш беа заинтересирани неколку европски гиганти, пред се Челзи, но Атлетико успеа да ја победи конкуренцијата.