Артета потврди: Арсенал ќе купува во јануари, позната и главната мета

Микел Артета во изјава за англиските медиуми истакна дека неговиот Арсенал ќе биде активен во јануарскиот преоден рок.

Причина е повредата на Габриел Жесус, Арсенал ќе бара ново засилување во нападот, но очигледно тоа нема да биде се.

„Ќе му треба време, сигурно“, одговори Артета на прашањето за состојбата на Габриел Жесус.

„Ќе бидеме активни и сакаме да го засилиме тимот“, додаде шпанскиот стратег.

Кој е решението?

Арсенал долго време е заинтересиран за младиот Микајло Мудрик од Шахтјор.

„Не можам да кажам дека нема интерес кога има. Сепак, тој денес е тука, со нас, од 9 јануари ќе биде на тренинзи, ќе се подготвува за следните натпревари во Европа“, изјави Николини, спортскиот директор на Шахтјор.

Мудрик постигна 3 гола и додаде две асистенции во Лигата на шампионите во група со Лајпциг, Селтик и Реал Мадрид. Неговиот договор со Шахтјор има важност до 2026 година и вреди околу 50 милиони евра.