Артета за ситуацијата со Пепе и Алиоски: Ќе разговарам со Пепе, мора да се извини

Дел од англиската јавност не го оправдува тоа што нашиот Езгјан Алиоски вчера изнуди црвен картон за Николас Пепе, сепак вината тренерот на Арсенал, Микел Артета ја бара во својот играч.

Артета порача дека Пепе не смеел да падне на такво ниво и така да реагира.

„Без разлика на се што се случило, такво однесување на теренот е неприфатливо. Ова е Премиер лигата и не смеете да дозволите да паднете на такво ниво. Ќе морам да разговарам со Пепе и мислам дека ќе треба да им се извини на соиграчите за непотребното исклучување. Јас никогаш не сум задоволен со реми, но во таков услов мислам дека нерешениот резултат е во ред“, изјави Артета по мечот.