Анчелоти: Ако гледав само по физичка кондиција ќе го купев Болт

Евертон во преодниот рок заврши одлична работа, а најзвучно засилување им е Хамес Родригез.

Родригез беше голема желба на Анчелоти која на крајот клубот и му ја исполни. Родригез имаше солидно деби (за дебито повеќе тука), а новинарите го запрашаа Анчелоти дали тој е свесен за физичката кондиција во која се наоѓа Колумбиецот со оглед дека во Реал ретко играше.

„На добрите фудбалери не им треба многу време да се прилагодат. Хамес знае зошто е доведен и што треба да прави на теренот. Во средниот ред направивме одлична комбинација, Хамес не е најбрзиот играч во светот, меѓутоа има други квалитети. Не се грижам за неговата физичка кондиција, ако гледав само по тоа ќе го донесев Болт“, изјави Анчелоти.