Македонскиот интернационалец Перо Антиќ нема да биде во составот на Црвена Звезда за натпреварот во Евролигата против Бросе Бамберг.
Антиќ поради полесна повреда го пропушти синоќешниот натпревар Црвена Звезда- МЗТ Скопје, а тренерот Душан Алимпијевиќ потврди дека нема да биде во тимот и против германскиот шампион.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
„Перо имаше проблеми и пред мечот со Макаби, повреда на листот на ногата ја влече уште од Фенербахче. Сега таа повторно се активира и прашањето беше само кога ќе го решиме тоа. Решивме тоа да биде сега. Нема да игра против Бамберг, но в петок ќе почне да тренира и ќе биде во тимот за натпреварот со Партизан“, изјави Алимпијевиќ.
Црвена Звезда ќе го пречека Бросе Бамберг во четврток, а наредниот понеделник во АБА лигата ќе го одигра дербито со Партизан.
Учество во игри на среќа е дозволено за лица со 18+ години. Играј одговорно!