Ангеловски: Македонија е подготвена за сите формации на Италија

Македонската фудбалска репрезентација утре гостува кај Италија во рамки на квалификациите за СП во Русија.

Селекторот на македонската А репрезентација, Игор Ангеловски, истакна дека верува во добар резултат иако ја респектира големата Италија.

„Се гордеам што ја предводам Македонија против четирикратниот светски шампион Италија. Италија е сериозен противник, но јас верувам во моите фудбалери и во тоа дека ќе го дадат својот максимум на мечот. Исто така се надевам дека ќе се вратиме со поволен резултат. Италија менуваше во однос на формацијата, она што последно слушнав е дека ќе играат во формација 3-4-3, но селекцијата е подготвена за сите системи“, истакна Ангеловски на пресот закажан пред утрешниот меч во Торино.