Анализа на вечерашното дерби: „Кралот“ не смее да се отпише!

Голема предност има Сити после првиот натпревар во Мадрид, но Реал никогаш немојте да го отпишувате. Овој дуел е закажан за вечер од 21:00 и ќе се игра на Етихад.

Манчестер Сити: Долго посакуваниот трофеј е оддалечен само четири натпревари

Освојувањето на ЛШ е оддамнешна желба на Манчестер Сити, посебно од моментот кога овој клуб вложи огромен капитал и кога во овој клуб влегоа најдобрите светски фудбалери. Изгледаше дека доаѓањето на Гвардиола е последното камче од мозаикот, но сепак пехарот и понатаму е сон. Воглавно овој тим игра одлично, но оваа година англискиот трофеј замина во витрините на Ливерпул. Веќе подолго време Сити игра без најдобриот стрелец Агуеро, а Аргентинецот нема да игра ниту на овој дуел што е голем хендикеп. Можеби одбраната е нешто послаба, но сигурно против Шпанците ќе недостига и Менди.

Реал Мадрид: Кралот не се предава лесно

Се зборуваше на почетокот дека без Роналдо нема да се земе титула, но оваа година се докажа спортивното и Реал Мадрид стана шампион во Пшанија. На островот доаѓа со еден гол негатива и доста лош резултат. Ќе мора да победи, но и да постигне најмалку два гола на Етихад што искрено и не е лесна задача. Да не забораваме дека Реал има одлични играчи кои се во одлична форма. Противникот мора да се нападне, но во тој случај се појавува можност за примање на голем број голови. Сепак Реал мора да ризикува бидејќи нема што да изгуби. Мора да напомнеме дека после продолжението на сезоната Реал ги победи сите дуели, освен против Леганес, па сега ќе видиме дали може да победи и на најтешкиот натпревар.