Амбасадарот на Македонија во Романија: Посакувам успех и победа, нека играат како досега и успехот е на повидок!

Стефан Даскалов за Спортски од Букурешт

Во големиот број поранешни спортисти кои ја следат Македонија во Букурешт има и луѓе кои не се во облаата на спортот, но сепак се тука да навиваваат и да дадат поддршка на Македонија.

Еден од нив е и амбсадарот на Македонија во Романија Габриел Атанасов, денес имавме прилика со него да разговараме на една убава спортска тема и очекувањата од Македонија за следниот натпревар со Украина.

„Јас искрено, посакувам успех, посакувам победа, тоа е нешто кое сите навивачи го посакуваат. Да дадат максимум, да играат добро како што тоа го прават и досега, па така и успехот би бил на повидок“.

„Натпреварот со Австрија го следев со големо задоволство, според мене прикажавме многу добро игра посебно во првото полувреме. Навистина бевме добри и постигнавме гол, потоа во второто полувреме можеби малку падна и силата и временските услови беа такви. Меѓутоа и Австријците беа тактички добри, но мислам дека во еден период и нашите беа подобри“.

Како и многу други и тој не остана рамнодушен на навивачите на Македонија кои овие денови се главна атракција во Бкурешт.

„Навистина е убаво, се пеат песни, се навива, се дава поддршка на нашата репрезентација. Се е во границите на дозволеното, па нема никакви проблеми. Како што кажав сликата навистина е прекрасна“, ни изјави амбасадарот Атанасов.

И претходно за романската телевизија „ПРО ТВ“ тој испрати порака за поддршка на нашите фудбалери.