Алонсо му поставил услов на Перез, доаѓа во „пакет“ со ѕвезда од 100 милиони

Чаби Алонсо минатата сезона направи „чудо“ со Баер Леверкузен и ова лето беше на мета на многу европски клубови.

Алонсо се етаблираше во еден од најдобрите млади тренери, но сепак ова лето одлучи да остане во Леверкузен и да игра во Лигата на шампиони.

Веќе сега е јасно дека пред Шпанецот е блескава тренерска кариера и е голема желба на Флорентино Перез, кој во него гледа наследник на Анчелоти.

Алонсо е отворен за преселба на „Сантиаго Бернабеу“, но има еден услов – сака со себе да ја донесе ѕвездата на Леверкузен, Флоријан Виртц, чија цена изнесува 100 милиони евра.