Алисон флертува со Реал: Не кријам дека ми се допаѓа интересот…

По одличната сезона која ја имаше голманот Алисон стана побарувана роба на европското фудбалско тло. Пласманот на Рома во четвртфналето во ЛШ дополнително ја подигнаа цената на бразилскиот чувар на мрежата, па затоа и не е чудно што во редот се ПСЖ, Ливерпул, Реал…

Се чини, сепак, дека на Алисон му се допаѓа фактот дека за него се интересира Реал, кој подолго време бара замена за Кејлор Навас.

„Интересот на Реал ме прави среќен и тоа не можам да го сокријам“, истакна Алисон.

Но, во овој момент нема дилема каде сака да ја продолжи кариерата.

„Тоа се мали задоволства кои ја разубавуваат кариерата на секој играч. Среќен сум кога клубот или новинарите пишуваат убаво за мене, тоа значи дека добро си ја работам работата и дека тоа е пропратено на вистински начин. Замислете само кога ве следи клуб каков што е Реал… Но, сега сум фокусиран на Рома. Никогаш не сум се чувствувал потценето тука“.