Алегри лут на раководството на Јувентус

Тренерот на Јувентус, Масимилиано Алегри е лут на челните луѓе на клубот поради незавршената работа на трансфер пазарот.

Како што пренесуваат италијанските медиуми Алегри е незадоволен како претседателот Ањели и спортскиот директор Черубини го одработиле преодниот рок.

Кристиано Роналдо го напушти Јувентус, а клубот го донесе само Моис Кин, но не и Мауро Икарди, кој беше најголема желба на тренерот.

Притоа, Алегри бараше уште еден играч за врска, прва желба беше Пјаниќ, кој остана во Барселона.

„Ова не беше како што се договоривме“, биле зборовите на Алегри, пренесува весникот „Месиџеро“.