Алаклоид покажа „заби“, но Вардар на крајот сепак славеше

Aктуелниот шампион Вардар славеше во дербито на 4. коло во ракометната Суперлига иако до победата стигна можеби потешко од она што се очекуваше.

Вардар го победи Алкалоид со 28:25 и тоа благодарение на серијата од 5:0 во последните седум минути. Имаше Вардар предност со 21:17, но тогаш по тајм-аутот на Кире Лазаров Алкалоид се врати во игра и поведе со 22:21 на десет минути до крајот.

Така се влезе во една неизвесна завршница. Дебитантот водеше и со плу 25:23, но тука застана. Мартин Томовски во тие моменти на серијата од 5:0 на Вардар во финишот одбрани седмерец и уште неколку зицери, мечот го заврши со 10 интервенции.

Најефикасен кај Вардар беше Дејан Манасков со осум гола, Талески постигна шест. Кај Алкалоид Марко Стојковиќ постигна шест гола, а Мартин Серафимов пет гола. За Вардар ова беше четврта победа во четири кола и со 12 бода е лидер на табелата во групата А, Алкалоид остана девет колку што има и Бутел.

Фото: РК Вардар