Една од најинтересните сезони во Премиер лигата доаѓа до самата завршница, овој викенд се играат последните 90 минути во кои и ќе го добиеме новиот шампион на Англија.
Манчестер Сити и Ливерпул ја водат една од највозбудливите трки за шампионскиот пехар. Сити во последното коло влегува како лидер со 95 освоени бодови, додека Ливерпул е второпласиран со 94.
Дербија во Мадрид и Минхен: Последна шанса за Тен Хаг? ↓↓↓
Ако Ливерпул слави против Вулвс овој викенд ќе дојде до бројката од 97 бодови и неверојатен е податокот што и покрај толку освоени бодови можат да останат со празни раце.
Иако шансите дека „граѓаните“ ќе си дозволат кикс против Брајтон се навистина мали за секој случај се подготвува и славје на „Енфилд“.
Во случај да се случи чудо и Манчестер Сити да не го победи Брајтон, а Ливерпул слави против Вулвс тогаш „црвените“ на „Енфилд“ ќе ја прославуваат титулата со пехар кој ќе биде копија на оргиналот.
Оргиналниот пехар цела година е во сопственост на Сити и сега ќе биде преселен во Брајтон каде што „граѓаните“ ќе се подготвуваат одбрана на трофејот.
Значи оригиналниот трофеј бидејќи е во сопственост на Сити ќе биде на нивниот натпревар, додека во Ливерпул како што кажавме ќе има „лажен“ пехар и ќе се чека расплетот.
Ќе потсетиме Ливерпул на шампионски трофеј во Премиер лигата чека уште од 1990 година.