Агентот: Јувентус го сака, а Анчелоти е луд по Верати

Агентот на Марко Верати го потврди интересот на Јувентус и Баерн Минхен за италијанскиот плејмејкер кој игра во ПСЖ.

Агентот на Верати, Донати ди Кампли вели дека Италијанецот е на мета на многу европски клубови, но проблем е што ПСЖ не сака да го продаде.

„Сите го сакаат Марко, но никој не размислува за тоа колку е тешко да се доведе од ПСЖ. Повеќе пати нагласив дека тој го продолжи договорот и дека тоа треба да се почитува. Проблемот е во тоа што Марко сака да победува, и ако тоа му биде овозможено во Париз, нема да си замине, така што ќе видиме како ќе се одвиваат работите. Јувентус ме контактираше и се распрашуваше за Верати“, изјави Ди Кампли.

„Карло Анчелоти е буквално луд за Марко, меѓутоа нема никаква понуда ни контакти со Баерн Минхен“, додаде агентот.