Абрамович сака да го врати Лукаку во Челзи

Напаѓачот на Интер, Ромелу Лукаку може да се врати во Челзи, пренесуваат медиумите на Островот.

Приоритет на Челзи на лето ќе биде доведување на врвен напаѓач, а прва желба е Ромелу Лукаку.

Белгиецот одигра фантастично во дресот на Интер и беше најзаслужен за освојување на шампионската титула.

„Нероаѕурите“ моментално имаат финансиски проблеми, па Челзи ќе се обиде да ги искористи и веќе стапил во контакт со агентите на Лукаку.

Лукаку беше играч на Челзи од 2011 до 2014 година, па „сините“ се спремни да платат 80 милиони финти за да го вратат на „Стенфорд Бриџ“.

Самиот Лукаку после заминувањето на Конте сериозно размислува да го напушти Интер, а Челзи веќе стапил во контакт со неговиот агент.