Џака го обвини соиграчот за поразот во ЛШ: Направи голема глупост

Баер Леверкузен доживеа тежок пораз во првиот натпревар од осминафиналето на Лигата на шампионите, откако Баерн ги декласираше во Минхен со 3:0.

Стрелци за баварскиот гигант беа Хари Кејн, кој постигна два гола, и Џамал Мусиала, а за тешкиот пораз на овој тим придонесе и црвениот картон на Норди Мукиеле.

Бекот на Леверкузен во 62-та минута со исклучително невнимателен старт заработи втор жолт картон и беше исклучен, поради што на Мукиеле му беше лут и Гранит Џака.

Легендарниот Швајцарец јавно го критикуваше Мукиеле, изјавувајќи дека добил глупав црвен картон и дека тоа беше сосема непотребно.

“И покрај големото заостанување, добро влеговме во натпреварот, а потоа добивме глупав црвен картон, што беше сосема непотребно. Тоа беше далеку од голот. Фрустрацијата е огромна. Морам длабоко да вдишам пред да кажам нешто лошо”, изјави Џака и се воздржа од понатамошни критики кон Мукиеле.

Интересно е дека ова беше првиот пораз на Чаби Алонсо против Баерн откако стана тренер, а дефинитивно ќе му биде потребно чудо на „БајАрена“ ако сака да го однесе својот тим во четвртфинале.

Реваншот е на програмата во вторник од 21 час.