Дома Фудбал Италија Ќе видиме ли и навивачи на стадионите во Серија А оваа сезона?

Ќе видиме ли и навивачи на стадионите во Серија А оваа сезона?

Заменик секретарот на италијанското министерство за здравство Алесандро Зампа потврди дека владата до крајот на сезоната во Серија А која наскоро ќе продолжи би можела да дозволи присуство на навивачи на стадионите.

Бројот на нови потврдени случаи на Ковид-19, но и бројот на смртни слуачи од коронавирус и понатаму е во пад во Италија. Премиерот Џузепе Конте вчера одржа прес-конференција на која го потврди преминувањето на третата уште послободна фаза во борбата со пандемијата.

Наскоро Италија ќе ги отвори кината и театрите (со почитување на мерките за дистанцирање), па фудбалските клубови се прашуваат зошто тие на стадионите не би можеле да го направат истото.

„Можно е, разговаравме за таа опција. Статистичките податоци кои ги добиваме се од голема помош и сега имаме добар знак дека се движиме кон целосна слобода. Ако продолжи трендот кој го имаме сега наскоро би можеле да се вратиме на нормалниот живот“, порача Зампа.

Сезоната во Серија А ќе продолжи на 20 јуни додека седум дена претходно ќе се играат натпреварите од завршницата на Купот на Италија.

Коментари
Advertisements
Прочитајте поврзани статии
Load More In Италија

Проверете

Казната нема да влијае: Де Брујн останува во Манчестер Сити!

Патрик де Костер, агент на ѕвездата на Манчестер Сити Кевин де Брујн ја коментираше евенту…