Јувентус е спремен, Роналдо е спремен: Португалецот утре од првата минута на теренот!

Јувентус е спремен, Роналдо е спремен! Ајакс ќе има тешка задача пред своите навивачи бидејќи клубот од Торино нема намера да застане на ова скалило.

Тренерот на „старата дама“ Масимилијано Алегри уште на стартот од прес-конференцијата ги разреши сите дилеми кога е Роналдо во прашање.

„Роналдо тренира со тимот и тој е на располагање и доколку не се случи нешто во меѓувреме ќе биде во стартниот тим“, јасен беше Алегри.

Киелини и Емре Џан се повредени, но добра вест за Јувентус е состојбата на Ругани.

„Останатите се во ред. Даглас Коста се врати, Паоло Дибала добро тренираше утрово, Ругани ќе биде стопер. Тоа е важна прилика за него и среќни сме поради тоа“.

Алегри покажа респект кон противникот.

„Ајакс го елиминираше Реал Мадрид и играше рамноправно со Баерн, во историјата веќе сме гледале две финалиња на овие два тима. Очекувам отворен натпревар кој тешко може да заврши 0:0“, порача италијанскиот стратег.